शनिवार, ३१ डिसेंबर, २०११

भूत...!



प्रवास इथला

काळाचा दूत

आजचा आज

उद्याचे भूत...!
द्वारा पोस्ट केलेले येथे कोणत्याही टिप्पण्‍या नाहीत:

शुक्रवार, ३० डिसेंबर, २०११

शूल...!


एकेका शब्दातून

व्यक्त एकेक शूल

हळव्याला प्रचीती

भटक्याला रानभूल...!
द्वारा पोस्ट केलेले येथे कोणत्याही टिप्पण्‍या नाहीत:

गुरुवार, २९ डिसेंबर, २०११

मीमांसा...!

 

नपुंसकाचे शील

दुर्बलाची अहिंसा

बकाचे ध्यान अन

वांझोटी मीमांसा...!
द्वारा पोस्ट केलेले येथे कोणत्याही टिप्पण्‍या नाहीत:

बुधवार, २८ डिसेंबर, २०११

आत्मभान...!


दुष्टचक्राच्या वावटळीत

उरावे कसे आत्मभान

'मस्त चाललय आमचं...'

तारण ठेवलाय स्वाभिमान...!
द्वारा पोस्ट केलेले येथे कोणत्याही टिप्पण्‍या नाहीत:

रविवार, २५ डिसेंबर, २०११

बेट...!



क्रुसाचा काटेरी वसा

वेदनेला भिडणे थेट

जादुई पोतडीत आज

सापडावे करुणेचे बेट...!
द्वारा पोस्ट केलेले येथे कोणत्याही टिप्पण्‍या नाहीत:

शनिवार, २४ डिसेंबर, २०११

दुखवटा...!


कळपातला नव्हतोच कधी

ना चढविला कधी मुखवटा

त्यांच्या स्वयंभू क्षुद्रतेचा

मला का उसना दुखवटा...!
द्वारा पोस्ट केलेले येथे कोणत्याही टिप्पण्‍या नाहीत:

शुक्रवार, २३ डिसेंबर, २०११

जंतू...!


बेनाम चिंता

अक्षय किंतु

मनी मानसी

षडरिपूंचे जंतू...!
द्वारा पोस्ट केलेले येथे कोणत्याही टिप्पण्‍या नाहीत:

गुरुवार, २२ डिसेंबर, २०११

संदर्भ...?


नि:संदर्भलाही

संदर्भ नवे...

कसे झुलावे

क्षणासवे...?
द्वारा पोस्ट केलेले येथे कोणत्याही टिप्पण्‍या नाहीत:

बुधवार, २१ डिसेंबर, २०११

शून्य...!


तुझ्याशिवाय आयुष्य

एक पोकळ शून्य आहे

तुझ्याशिवाय माझ्यासाठी

प्रत्येकजण अन्य आहे...!
द्वारा पोस्ट केलेले येथे कोणत्याही टिप्पण्‍या नाहीत:

मंगळवार, २० डिसेंबर, २०११

स्वगत...!


उदासीनतेची परिसीमा

अन एकलेपणाची हद्द

संवाद हरवला कधीचाच

आता तर स्वगतही रद्द...!
द्वारा पोस्ट केलेले येथे कोणत्याही टिप्पण्‍या नाहीत:

सोमवार, १९ डिसेंबर, २०११

गुंथी...!


मनाचिये गुंथी

वेदनेचे ध्यान

आकळिता तत्व

व्यर्थ देहभान...!
द्वारा पोस्ट केलेले येथे कोणत्याही टिप्पण्‍या नाहीत:

गुरुवार, १५ डिसेंबर, २०११

मूल्य...!



कालबाह्य मूल्यांच्या अडगळीचा

कुणाला ठेवायचाय लेखा-जोखा

प्र-गतीच्या दिशाहीन झाकोळात

कुठली माउली अन कोण चोखा...!
द्वारा पोस्ट केलेले येथे कोणत्याही टिप्पण्‍या नाहीत:

मंगळवार, १३ डिसेंबर, २०११

मुमुक्षा...!


आदी तू मी आत्मज

संपूर्ण तू मी शून्यवत

क्षणिक माझी मुमुक्षा

तू चिरंतन तूच शाश्वत...!
द्वारा पोस्ट केलेले येथे कोणत्याही टिप्पण्‍या नाहीत:

सोमवार, १२ डिसेंबर, २०११

काडेपेटी...!


काडेपेटी मागतो येता-जाता

विडी-बिडी  नाही, नाही नशा

पुष्कळ गोष्टी आहेत म्हणे

पेटवून टाकाव्यात अशा...!
द्वारा पोस्ट केलेले येथे कोणत्याही टिप्पण्‍या नाहीत:

रविवार, ११ डिसेंबर, २०११

द्वंद्व...!


आकाशी झेपावता पक्षी

डहाळी डहुळली जराशी

पाठवणी की आळवणी,

द्वंद्व कवटाळीत उराशी...!
द्वारा पोस्ट केलेले येथे कोणत्याही टिप्पण्‍या नाहीत:

शनिवार, १० डिसेंबर, २०११

विराणी...!


गर्द निळे निरभ्र आकाश

संथ खोल निश्चल पाणी

अश्राप जीवाचा एक हुंकार

उठता तरंग निळी विराणी...!
द्वारा पोस्ट केलेले येथे कोणत्याही टिप्पण्‍या नाहीत:

शुक्रवार, ९ डिसेंबर, २०११

असणे...!


वृक्षवल्ली पशुपक्षी

स्वच्छंद वाहते झरे

'असण्या'चे भान नरा

येइतो आयुष्य सरे...!
द्वारा पोस्ट केलेले येथे कोणत्याही टिप्पण्‍या नाहीत:

गुरुवार, ८ डिसेंबर, २०११

बुद्ध...!?!


भावते वैराग्य आम्हा

मोहवितो शृंगारही

बुद्धाचे अनित्य तसा

मेनकेचा अंगारही...!
द्वारा पोस्ट केलेले येथे कोणत्याही टिप्पण्‍या नाहीत:

बुधवार, ७ डिसेंबर, २०११

विचक्षण...!


संभ्रमित थोडासा

थोडासा विचक्षण...

रात्रभर नाही सरला

गोठलेला एक क्षण...!
द्वारा पोस्ट केलेले येथे कोणत्याही टिप्पण्‍या नाहीत:

मंगळवार, ६ डिसेंबर, २०११

फाके...!

विरलेले जगण्याचे वस्त्र अन

उसवलेले जाणीवेचे टाके

मूल्यांचा अभद्र बाजार,

संवेदनेला रोजचेच फाके...!
द्वारा पोस्ट केलेले येथे कोणत्याही टिप्पण्‍या नाहीत:

सोमवार, ५ डिसेंबर, २०११

चला गया...!


मै जिंदगीका साथ

निभाता चला गया...

हर फिक्रको धुयेंमे

उडता चला गया...!
द्वारा पोस्ट केलेले येथे कोणत्याही टिप्पण्‍या नाहीत:

रविवार, ४ डिसेंबर, २०११

वेडाचार...!


कटीबद्ध जगरहाटी

सांभाळण्या 'सदाचार'

बदलाची अपेक्षादेखील

इथे शुद्ध वेडाचार...!
द्वारा पोस्ट केलेले येथे कोणत्याही टिप्पण्‍या नाहीत:

शुक्रवार, २ डिसेंबर, २०११

जीवात्मा...!


दृश्य-स्पर्श-गंध  अन

अलवार सुखाची धुंदी

मुक्त स्वच्छंद जीवात्मा

क्षणिक मोहाचा बंदी...!
द्वारा पोस्ट केलेले येथे कोणत्याही टिप्पण्‍या नाहीत:
याची सदस्यत्व घ्या: पोस्ट (Atom)