सोमवार, २७ फेब्रुवारी, २०१२

अमृत-माया...!


वेदनेचा फुत्कार लाभो

आर्ततेचा दग्ध ठसा

माउलीची दिंडी वहाया

अमृत मायेचा वसा...!
द्वारा पोस्ट केलेले येथे कोणत्याही टिप्पण्‍या नाहीत:

रविवार, २६ फेब्रुवारी, २०१२

अ-बाधित...!


हरवणे कधी गवसणे

मिटून अवचित फुलणे

मुग्ध विश्रब्ध जगण्याचे

अस्पर्श अ-बाधित लेणे...!
द्वारा पोस्ट केलेले येथे कोणत्याही टिप्पण्‍या नाहीत:

बुधवार, १५ फेब्रुवारी, २०१२

काजवा...!


काजव्याचे नशीब

अन प्रकाशाचा शाप

मालवला तर निष्प्रभ

चमकला तर पाप...!
द्वारा पोस्ट केलेले येथे कोणत्याही टिप्पण्‍या नाहीत:

रविवार, १२ फेब्रुवारी, २०१२

समन्वय...!


दोन त्रीज्यांच्या समन्वयाने

वर्तुळ सांधणारा व्यास...

प्रेमाच्या गर्भज्ञ अवगुंठनावर

कृतार्थ सहप्रवासाचा ध्यास...!
द्वारा पोस्ट केलेले येथे कोणत्याही टिप्पण्‍या नाहीत:

शनिवार, ११ फेब्रुवारी, २०१२

पाऊलखूण...!


संस्कार घडतांना मना

उमजेलच असे नाही...

पाऊलखूण पावलाला

समजेलच असे नाही...!
द्वारा पोस्ट केलेले येथे कोणत्याही टिप्पण्‍या नाहीत:

मंगळवार, ७ फेब्रुवारी, २०१२

बोचणी...!


'नाही रे' ची खंत तशी

'आहे रे' ची टोचणी

निरलस जीवनेच्छेला

मायेची दुखरी बोचणी...! 
द्वारा पोस्ट केलेले येथे कोणत्याही टिप्पण्‍या नाहीत:
याची सदस्यत्व घ्या: पोस्ट (Atom)