मंगळवार, ३० ऑक्टोबर, २०१२

गगनातूर...!

 
नेणीवेची खंत नाही
 
अज्ञानाचा डंख नाही
 
इथल्या मिंधेपणाला
 
गगनातूर पंख नाही...!
द्वारा पोस्ट केलेले येथे कोणत्याही टिप्पण्‍या नाहीत:

रविवार, २८ ऑक्टोबर, २०१२

कल्लोळ...!

 
साध्य, साधन आणि साधक
 
यांचा झालाय जरा घोळ
 
आराध्यच बदलल्याने
 
साधनेचा संशय-कल्लोळ...!
द्वारा पोस्ट केलेले येथे कोणत्याही टिप्पण्‍या नाहीत:

बुधवार, २४ ऑक्टोबर, २०१२

वेध...!

 

सूर्याची किरणे फुलांची तोरणे

अंगणी वैभव रांगोळीचे

दसऱ्याच्या विजयी चेहऱ्याला

वेध तेजोमय दिवाळीचे...!
द्वारा पोस्ट केलेले येथे कोणत्याही टिप्पण्‍या नाहीत:

मंगळवार, २३ ऑक्टोबर, २०१२

तत्व...!

 
कळीचे फुल उमलता
 
पक्षाचे कूजन बळावे
 
जीवन तत्व उमजता
 
माझे मीपण गळावे...!
द्वारा पोस्ट केलेले येथे कोणत्याही टिप्पण्‍या नाहीत:

रविवार, २१ ऑक्टोबर, २०१२

गहिवर...!

 

सागराच्या भेटीने

गहिवर दाटतो मनी

गाजेचा रोज नवा बाणा

खळबळ अंतरी जुनी...!
द्वारा पोस्ट केलेले येथे कोणत्याही टिप्पण्‍या नाहीत:

शनिवार, २० ऑक्टोबर, २०१२

अप्रविष्ट...!

 
 
जाणीवा धूसर  होता
 
संवेदनाही अस्पष्ट
 
सगुणाच्या उदोउदोत
 
निर्गुण अप्रविष्ट...!
द्वारा पोस्ट केलेले येथे कोणत्याही टिप्पण्‍या नाहीत:

बुधवार, १७ ऑक्टोबर, २०१२

अबोध्य...!

 

उमटले ते उमजले

...असे नाही

मर्मस्थ ते अबोध्य

कसे राही...!
द्वारा पोस्ट केलेले येथे कोणत्याही टिप्पण्‍या नाहीत:

मंगळवार, १६ ऑक्टोबर, २०१२

जगदंब...!

 
बीज अंकुरे अंकुरे
 
तुझ्या घटात ग शक्ती
 
आदी तू, तूच माया
 
जगदंबेची भावभक्ती...! 
द्वारा पोस्ट केलेले येथे कोणत्याही टिप्पण्‍या नाहीत:

सोमवार, १५ ऑक्टोबर, २०१२

वारे...!

 
दृष्टी बदलता सृष्टी बदलली
 
नजर ढळता वेगळेच इशारे
 
सुटता वारे बेभान मतलबी
 
विचारधारेला भलतेच किनारे...!
द्वारा पोस्ट केलेले येथे कोणत्याही टिप्पण्‍या नाहीत:

गुरुवार, ११ ऑक्टोबर, २०१२

संचित...!

 
माझे कर्म माझा धर्म
 
माझी नीती माझी गती
 
दिले घेतले जे जे ते ते
 
माझे संचित माझ्या साथी...
द्वारा पोस्ट केलेले येथे कोणत्याही टिप्पण्‍या नाहीत:

बुधवार, १० ऑक्टोबर, २०१२

हवन...!

 
उत्क्रांत की प्रगत
 
'समृद्ध' हे जीवन
 
मूल्यांच्या होमात
 
नीतीचे हवन...!
द्वारा पोस्ट केलेले येथे कोणत्याही टिप्पण्‍या नाहीत:

रविवार, ७ ऑक्टोबर, २०१२

सोहळे...!

 
सूज्ञ समायोजानाचे
 
व्यावहारिक आयाम वेगळे
 
सोयीस्कर संबंधांचे
 
सांसर्गिक दांभिक सोहळे...!
द्वारा पोस्ट केलेले येथे कोणत्याही टिप्पण्‍या नाहीत:

मंगळवार, २ ऑक्टोबर, २०१२

महात्मा...!


 
द्वारा पोस्ट केलेले येथे कोणत्याही टिप्पण्‍या नाहीत:
याची सदस्यत्व घ्या: पोस्ट (Atom)