खेळ-खंडोबा...!

खेळात म्हणे चालायचेच,

'नवा गडी नवा राज'...

संदर्भ सोयीस्कर नवे

खेळ-खंडोबा सगळा आज...!

लक्षण...!?!

अनीतीने द्रव्य जोडी,

धर्म नीती न्याय सोडी,

संगतीचे मनुष्य तोडी,

तो येक मूर्ख

- समर्थ रामदास 

स्नेहमिलन...!

नेहमीच घडो स्नेहमिलन ज्यात

भेटीचे सुख तरी हरविल्याची खंत

उल्हास, रोमांच आणि भावनावेग

उत्कट या क्षणांसाठी पुन्हा मिळो उसंत...!

भवेत...!

दिवा वा यदि वा रात्रो

विघ्न्शान्तिर्भविष्यति I

नर नारी नृपाणान्च

भवेत दु:स्वप्ननाशनंम II

पाडवा...!

पहाटवारा उटण्याचा सुगंध

कोमल स्पर्श अन अभ्यंग

सुरेल स्वरांची साथसोबत

गौरव सहजीवनाचा अभंग...!

सचोटी...!

गजान्त वैभव

सोन्याचे पाऊल

सचोटीच्या दारी

लक्ष्मिची चाहूल...!

विश्वप्रार्थना...!

हर्ष-खेद, उन्माद-विवेक

विषाद आणि वंचना...

'तमसोमाज्योतीर्गमय'

एवढीच विश्वप्रार्थना...!

प्रदीप...!?!

दारी रांगोळी गगनी दिवा

रीत जुनी उन्मेष नवा

तमाने प्रदीप ल्यावा

सौहार्द्राचा मंत्र व्हावा...!

रात्र...!

अस्फुट आवेगाचा पापुद्रा

अन गंधमंत्रित गात्रं

आकंठ अतृप्ततेच्या किना-यावर

रेंगाळलेली रात्र...!

निलय...!?!

दोन अर्धवर्तुळ की

एक संपूर्ण वलय...

स्वातंत्र्याची धुंदी की

स्वकेंद्रित निलय...!?!