सोमवार, ३० जुलै, २०१२

घाव...!


कल्पनेच्या पंखांना

स्वप्नांचा गाव हवा

टळटळीत  वास्तवाला

ठसठसणारा घाव नवा...!
द्वारा पोस्ट केलेले येथे कोणत्याही टिप्पण्‍या नाहीत:

रविवार, १५ जुलै, २०१२

कोंब...!


आदिम भुकेचा डोंब

जणू सर्वत्र दाटलेला

अस्फुट तृषार्त कोंब

अन वर्षाव आटलेला...!
द्वारा पोस्ट केलेले येथे कोणत्याही टिप्पण्‍या नाहीत:

मंगळवार, १० जुलै, २०१२

अपरोक्ष...!


चुकण्याला अंत नाही

शिकण्याला नाही क्षती

प्रज्ञेच्या अपरोक्ष

मनोज्ञ मूढ मती...!
द्वारा पोस्ट केलेले येथे कोणत्याही टिप्पण्‍या नाहीत:

रविवार, २४ जून, २०१२

क्षणार्ध...!


सरत्या क्षणाची हुरहूर

येत्या क्षणाची अपेक्षा

गेला कुठे 'हा' क्षण

क्षणार्ध जगण्याची उपेक्षा...!
द्वारा पोस्ट केलेले येथे कोणत्याही टिप्पण्‍या नाहीत:

शनिवार, १६ जून, २०१२

न्यास...!


जगण्याच्या उर्मीला

तगण्याचा ध्यास हवा

मूल्यार्थाच्या गणिताचा

सोयीस्कर न्यास नवा...!
द्वारा पोस्ट केलेले येथे कोणत्याही टिप्पण्‍या नाहीत:

बुधवार, १३ जून, २०१२

चिंब...!


ओथंबल्या गर्भरेशमी

मेघुटाला अनवट कडा

पावसाच्या चाहुलीने

चिंब आठवणींचा सडा...!
द्वारा पोस्ट केलेले येथे कोणत्याही टिप्पण्‍या नाहीत:

सोमवार, ११ जून, २०१२

रानभूल...!


तू तत्व मी माया

तू ब्रह्म मी काया

तू सूक्ष्म मी स्थूल

तू पूर्ण मी रानभूल...!
द्वारा पोस्ट केलेले येथे कोणत्याही टिप्पण्‍या नाहीत:

रविवार, १० जून, २०१२

दंभस्फोट...!


माती शुष्क दाणा दुर्लभ

तहानला पाण्याचा घोट

विषमतेचा बाजार नग्न

होऊ दे एकदा दंभस्फोट...!
द्वारा पोस्ट केलेले येथे कोणत्याही टिप्पण्‍या नाहीत:

रविवार, ३ जून, २०१२

अनाहत...!


ज्ञान बोध प्रचीती

व्रतस्थ साधना मूक

समृद्ध संपृक्त जाणीव

करंटी अनाहत भूक...!
द्वारा पोस्ट केलेले येथे कोणत्याही टिप्पण्‍या नाहीत:

शुक्रवार, १ जून, २०१२

समाधिस्थ...!


उत्कट नखशिखांत

समाधिस्थ तंद्त्रीतून

जाणिवांच्या पलीकडली

झंकारली देहधून...!
द्वारा पोस्ट केलेले येथे कोणत्याही टिप्पण्‍या नाहीत:
याची सदस्यत्व घ्या: पोस्ट (Atom)