हे वेड्या मना...
किती स्वप्ने अन किती कामना
शोध घेशी तू आपुलाच का मना?
भरकटणारी वाळवंटी रेंगाळते वाट अशी,
आपुल्याच दरियातली तृषार्त लाट जशी!
गूढ कसले आहे अन दुविधा ही कसली,
वाटते सावली आहे उभी समोर ठाकली...
अंत ओढवल्यागत काय काळजी वाटली,
सांग या रितेपणी कुणाची ओढ दाटली?
जगणे हरवलेले आणि जाणीव दु:ख काढते,
सारं शांत भोवती हृदयी धडधड का वाढते?
साऱ्याच वाटांवर काटे,
अन स्वप्नील हृदयी वेदना...
व्याकूळ सारेच भोवताली
तू का एकला मना...?
हे वेड्या मना...
किती स्वप्ने अन किती कामना
शोध घेशी तू आपुलाच का मना?
कोणत्याही टिप्पण्‍या नाहीत:
टिप्पणी पोस्ट करा