अगतिक...!

असंगाशी संग I प्राणाशी गाठ I

भरला काठोकाठ I पापकुंभ II

येई तारण्या I म्हणे युगंधर I

तो ही धुरंधर I संभ्रमित II

स्वार्थांध सत्ता I हेच एक सत्य I

ओशाळते नित्य I माणुसकी II

अधर्मी धर्म I राहतो उदास I

त्याचा अदमास I कुणालागी II

सारेच संत I सदाच दसरा I

चेहरा हसरा I अगतिक II

वाढो मानव्य I विवेकी जागृत I

प्रवाही पण मृत I दैवगती II

रंगात रंगूनी I ठोकली हाळी I

आली आली होळी I धूळधाण II

उन्हां कधी लाभो I भाग्य सावलीचे I

आर्त माऊलीचे I ऐकावे गा II