तू भुकेला भावाचा
भान हे हरवू लागले
तुझ्या नावाच्या गजरात
हे कोण मिरवू लागले...!
विवेकी वर्तनास 'अधर्मी'
म्हणूनी हिणवू लागले,
धर्माच्या सचोटीस पुन्हा
यश खुणावू लागले...!
निर्गुण निराकाराचे
ध्यान लोप पावू लागले
सालंकृत भक्तिमार्गी
अध्यात्म धावू लागले...!
प्रच्छन्न सगुणत्व तुझे
नव्याने जाणवू लागले,
उन्मादी उत्सवात अंगी
त्रिगुण बाणवू लागले...!
कोणत्याही टिप्पण्या नाहीत:
टिप्पणी पोस्ट करा