चार्वाक सन्मानिला येथे
गौरविला गौतम बुद्ध,
हतबुद्ध तो ही आज
पंचशीलास मूठमाती!
प्रज्ञा शील करुणा
अहिंसा परमो धर्म,
मर्म मानव धर्माचे
आज जातीपाती!
ज्ञानोबा तुकाराम सावता
नामदेव एकनाथ गोरा,
तोरा त्यांच्या जातीचा
वारस मिरविती!
भेदाभेद-भ्रम अमंगळ
विष्णुमय जग म्हणे तुका,
फुका हे त्याच्या गाथा
माथी वाहविती!
समर्थ असो वा राजे
संत, साधू आणि महंत,
भदंत कित्येक जगती
जातीत त्यां विभागती!
ज्योतिबा अन सावित्री
शहाणे करण्या सकळा,
कळा अवहेलना सोसूनी
जात एक उरती!
टिळक आगरकर रानडे
सुधारक विचारवंत थोर,
चोर आज ज्ञातीत त्यांचा
क्षुद्र संकोच करती!
सावरकर गांधी आंबेडकर
करण्या आपल्या जनां प्रबुद्ध,
युद्ध छेडिती परवशतेशी
व्यर्थ त्यांची नीती!
माथ्याची शोभा वाढविण्या
टोप्या, पागोटे अन पगडी,
दगडी पुतळ्यांचीच आज
रेलचेल सभोवती!
पगडी असो वा पागोटे
त्याखाली डोकी नासकी,
माणुसकी नुरे, ना विवेक
सारेच भ्रष्ट-मती!
स्वातंत्र्य समता बंधुता
घटनेने दिधली तत्वे,
सत्त्वे त्यांची आज
सत्त्वे त्यांची आज
नामशेष होती!
नष्ट करण्या जातीधर्म
नष्ट करण्या जातीधर्म
भेदाभेद सारे तोडण्या,
जोडण्या नाळ माणसाशी
बाळे शाहू मागती!
कोणत्याही टिप्पण्या नाहीत:
टिप्पणी पोस्ट करा