विसर्जन...!?!

यान्तु देवगणा: सर्वे पूजामादाय पार्थिवीम I

इष्टकामप्रसिध्यर्थम पुनरागमनाय च  II

ॐ तत्सद ब्रम्हार्पणमस्तु  I

मुर्दाड...!

भ्याड शासकांचे मुर्दाड सरकार

सर्वत्र रास छिन्न शरीरांची

हतबल रक्षक आणि गाफील मने

राजद्वारी तोरणे षंढ लक्तरांची...!

चर्चा..!

सुष्टांच्या दुष्ट प्रथा अन

त्रस्तांच्या खिन्न व्यथा

स्वप्रकाशाचा दीप पेटू दे

चर्चा तमाच्या यथा-तथा..!

चाहूल...!

कधी दुर्गा कधी गौरी

रूपे लोभस तिची सारी

माहेराला आल्या लक्ष्मीची

चाहूल तोरण  दारी...!

दांभिक...!

दांभिकपणा गर्दभांचा हल्ली

नेमका किती वाढलाय...

नारायण आणखीन हरी

कधीचा वेशीबाहेर अडलाय...!

यादी...!

तू मला ओळखतेस म्हणून

वाट पाहण सोडत नाहीस...

मला आणि काही नको

मी कुठल्याच यादीत मोडत नाही...!

ओम...!?!

अकार चरण युगुल I उकार उदर विशाल I

मकर महामंडल मस्तकाकारे I

हे तिन्ही एकवटले तेथ शब्दब्रह्म कवळले

ते मियां गुरुकृपा नमिले आदिबीज...I

पाचोळा...!

साथ या शब्दाचा अर्थ

खरतर किती वेगळा आहे...

फुलासोबत असेल तर पान

नाहीतर नुसताच पाचोळा आहे...!

चातुर्य...!

बेहिशोबी माणसाला

ते मूर्ख ठरवतात...

स्वत:च्या कद्रूपणाला

चातुर्याचे लेबल लावतात...!

शिष्टाई...!

विजयोत्सव अविशिष्ट भ्रामक लढाईचा

उन्माद सत्ता अन दांभिक सहमतीचा

कुणी काय मिळविले काय हरविले

निष्कलंक निष्ठेला आधार भ्रष्ट शिष्टाईचा...!