ज्ञानियाचे पसायदान आणि
तुकोबाची गाथा
शिव-पराक्रमाने उन्नत माय
मराठीचा माथा!
इये मराठीचिये नगरी वाहते
पंढरीची वारी
वैराग्य सन्मानीत उभी
गजान्तलक्ष्मी दारी!
इतिहास संस्कृती कलाकौशल्याची बहुपेडी वेणी
गाणारे दगड अन त्यात साकारली बोलकी लेणी!
अस्मितेस आमच्या साथ
रामशास्त्री बाण्याची,
वीरांच्या शौर्यास झालर गंधर्वांच्या
गाण्याची!
संस्कृतीची उज्ज्वल परंपरा गाते शारदेचे गान
शब्द्प्रभूंच्या किमयेवर घेतो कोकीळही तान!
कलावंत रसिक खेळाडू अन प्रज्ञावंत सारे,
एकाच नभांगणी नांदती सूर्य-चंद्र नी तारे!
पक्वान्नांची शहजादी
पुरणपोळी सणावारी
वस्त्रांच्या महाराण्या पैठणी
अन नऊवारी!
गणेशविसर्जनास उफाळता सागरकिनारा
किल्ल्यांच्या बुरुजांवरून
विहंगम नजारा!
समाजसुधारणेची धुरा सांभाळते इथलीच माती
जन्मोजन्मी निभविण्यासाठी घडतात इथे नाती!
केशरी रंगाची न होवो कधी शौर्यास बाधा
केशरिया रंगात रंगू दे घननिळ्याची राधा!
स्वातंत्र्य-समता-बंधुतेची नित्य होवो अर्चना
मानवतेच्या धर्माचीच फक्त इथे उरो प्रार्थना!
हुतात्म्यांची बलिदानाची चाड सर्वांस राहू दे,
महाराष्ट्र धर्म वाढविण्यास पहाट नवी पाहू दे!
संतांची पावन भूमी सांगे महाराष्ट्राची यशोगाथा,
माती ही लावू भाळी अन या धरणीवर टेकू माथा!
समाजसुधारणेची धुरा सांभाळते इथलीच माती
जन्मोजन्मी निभविण्यासाठी घडतात इथे नाती!
केशरी रंगाची न होवो कधी शौर्यास बाधा
केशरिया रंगात रंगू दे घननिळ्याची राधा!
स्वातंत्र्य-समता-बंधुतेची नित्य होवो अर्चना
मानवतेच्या धर्माचीच फक्त इथे उरो प्रार्थना!
हुतात्म्यांची बलिदानाची चाड सर्वांस राहू दे,
महाराष्ट्र धर्म वाढविण्यास पहाट नवी पाहू दे!
संतांची पावन भूमी सांगे महाराष्ट्राची यशोगाथा,
माती ही लावू भाळी अन या धरणीवर टेकू माथा!
कोणत्याही टिप्पण्या नाहीत:
टिप्पणी पोस्ट करा