काळ चालला पुढे अन्
त्यासह सृष्टि सारी
जो बदलत नाही
त्याने घ्यावी खबरदारी..!
फुटतो बीजास अंकुर
कळीतून उमले फूल
फुलाचे होतेची फळ
जर खुडले ना मूळ..!
कालगती ही न टळे कुणा
रंक असो वा राजा
साऱ्यांना रोजच मिळतो
एक नवा दिवस ताजा...!
कुठला दिवस कुणाचा
हे ठरवितो काळ
कुठे हार जीवघेणी
कुणा विजयाची माळ...!
संधी जेव्हा चालून येते
सोने कसे होईल पाहणे
पर्याय नेहमीच असतो
संयमाने अजिंक्य राहणे...!
कोणत्याही टिप्पण्‍या नाहीत:
टिप्पणी पोस्ट करा