मैफिलीत शेर तुझ्यावरचे, दाद मिळवित होते
क्षण दु:खी माझे.. गजलेस असे सजवित होते
निरोप घेतांना वळून पाहिलेस तू पुन्हा पुन्हा
यश हे प्रेमातले माझे असे घवघवीत होते
पाकळ्या डायरीतल्या देतात अजून ग्वाही
फूल तू माळलेले.. तेव्हा टवटवीत होते
रस्ते तुझे फिरुन झाले जगभरातले अनेकदा
पाय अनवाणी माझे तिच पायवाट मळवित होते!
कबुतरावर विसंबण्याचे गेले ते दिवस अखेर...
स्टेटस रोजचे... तुझी ख्याली खुशाली कळवित होते
ग्रीष्माने होता फुलविला मोगरा अनेकदा परंतु...
फुल तुझ्या केसातले आज...वसंतास जळवित होते!!
दिनेश
१४ एप्रिल २०२३
'मना'ने चिरतरुण असलेल्या सन्मित्र दिनेशला
वाढदिवसानिमित्त त्याच्या या गझले इतक्याच रोमँटिक शुभेच्छा...!
कोणत्याही टिप्पण्या नाहीत:
टिप्पणी पोस्ट करा