माणुसकीचा आरंभ
जपण्यास कालत्रयी
युद्ध नको बुद्ध हवा...
कहाण्या त्या उगाळती
संस्कृतीही डागाळती
जाते मानव्य जळूनी
रक्षिण्या संयम हवा...
अत्याचार झाले फार
अघोरी सारा संहार
अनावर हे आघात
पुसण्या अ-शोक हवा...
जग धावे सैरावैरी
उतावीळ नरनारी
भुलूनी ज्या 'विकासा'स
त्यांसही विवेक हवा...
षडरिपूंचा विळखा
'अहं' वेळीच ओळखा
विखारी विकारी जग
माणूस सु-बुद्ध हवा...
युद्ध नको बुद्ध हवा...!
कोणत्याही टिप्पण्या नाहीत:
टिप्पणी पोस्ट करा